Startseite Projekte Termine Erinnerungsort Kontakt Impressum
© denk-mal-niederrhein 2012
79
Dä Dröömert      Text: Ralf G. Landmesser In minge Kingerdroom da raacht dä Dicke Boom. Dä stus in usre Möhlestroot wo uch us Hus jestunge hat.                                                                         [eigentlich: jestunge hätt] Dä Boom was dick un schwatt un rood un ringserömm roch et naar Doot wo vüür de Kriesch ens Mensche leävde woor manch e Hus janz injeävnet. Am Dicke Boom wuur heißjemangelt   [wuur heetjemangelt] un mirr sing op de Muur jehangelt in demm verboode jröne Jrund wo vüür die Bombe Hüser stund. Die Keller in die Mensch jezittert woor´ üvverwachse un verwittert voll wilde Büsch un Kraut un Birk’ wo ings ens Mensch geliev, jewirk. Mirr hand Indianer, Cowboy, Ritter do drin jespeelt wo doovüür bitter sing Mensche in de Dood jejange verzweifelt sing mit Angs´ un Bange. Mirr hand dovonn nit vill jewuss die Lück verzällde uch veel Stuss. Dä Dicke Boom hätt all´t jesing wuchs im Trottoir wo jede jing. En Buch(e) woor dat, mäschtisch alt met ruue Blätter veel als Wald nie hüürt isch inne drüvver meckre dat die im Weesch wär mit irr Eckre. Dä Stamm woor schwatt un hä hätt Narve hätt üvverläävt wo Mensche starve. Dä Dicke Boom woor en Lejend un dennoch koom vürr emm et End. Die Trümmre tat man neu bebaue dä Dicke Boom wuur ümjehaue as uch dä Hof wuur affjerisse - un mirr um usre Boom beschisse. Jahrhundertalt stantä im Ort un plötzlich woor dä Boom hinfort             [eigentlich:  fott] Blutbuche, Zeusch von veele Joor voll Laache, Wienge, jraue Hoar. Dä Boom dä wächs noch in misch drin wenn isch ens drööm da(nn) jonn isch hin un leesch de Häng up singe Rink als wüür isch ingmool norre Kink. R@lf G. Landmesser Minga, 14/5/2006 verbessert  17/03/2007 und 23/3/2009  (Version 19.06.2010)  [Dae_Droemert.rtf] Vorletzte Strophe alternativ: Methusalem woor nit so alt ming Dicke Boom starv duur Jewalt. Blutbuche, Zeusch von veele Joor voll Laache, Wiene, jraue Hoor.
Pflanzort: Reinhard G Bienert; Parkfriedhof Duisburg Homberg
zurück zur Karte